Lesersørvis i heile Skandinavia
Norsk leseforslagsmetode blir stadig meir utbreidd. I danmark er den godt etablert. No står Sverige for tur.
LES OGSÅ
Lesersørvis er ei metodisk tilnærming for treffsikre leseforslag til kvardagslesaren basert på interesser og tidlegare lesing. Gjennom dei siste ti åra har metoden fått eit solid fotfeste i både norske og danske folke- og skulebibliotek.
No blir Lesersørvis også tilgjengeleg i Sverige. Digiteket, ei svensk plattform med ressursar til etterutdanning og inspirasjon for tilsette i folkebibliotek, har omsett det norske Lesersørvis-nettkurset til svensk.
– Det er gøy at Norge viser veg, og at vi kan læra av kvarandre! seier Lesersørvis-ansvarleg og seniorrådgjevar ved Fylkesbiblioteket i Akershus, Buskerud og Østfold Vanja Øyrås til Bok & bibliotek.
Øyrås starta Lesersørvis-prosjektet som tilsett ved Telemark fylkeskbibliotek i 2014. Ho står bak to bøker om metoden, Lesersørvishåndboka og Lesersørvis til barn. Begge bøkene kan lastast ned gratis.
Lesersørvis-metoden ligg også til grunn for Biblitoeksentralen sine tenester Forrigebok, der bibliotekarer kan dela bokomtalar og finna bøker som liknar på kvarandre, og publikumstenesta nestebok.no.
