Usensurert på Sølvberget

Utstillinga Usensurert formidlar arbeida til forfølgde forfattarar og kunstnarar. Utstillinga viser også eksempel på verk som har vore forbodne i Norge, og ser på ytringsfridomen sine ofte harde kår i verda. Målet er å inspirera unge og vaksne til å bruka si eiga stemme.

Denne våren tilbyr Sølvberget også eit undervisingsopplegg knytt til ytringsfridom med utgangspunkt i utstillinga. Usensurert er del av Stavanger sitt 900-årsjubileum Stavanger 2025.

Ei av jubileumssatsingane til Sølvberget er Ytringsfrihetsbyen Stavanger, som har som mål å auka medvitet, kunnskapen og forståinga for ytringsfridom blant innbyggarane.